Time-ის ინფორმაციით, ალეპოში დაშავებული 5 წლის ომრან დაქნეშის დაშავებაზე რუსეთი პასუხისმგებლობას არ იღებს.

ალეპოში პატარა ბიჭის დაშავების კადრები გუშინ გავრცელდა, რომელშიც ჩანს, რომ ის თავის არეში დაჭრილია და სასწრაფო დახმარების მანქანაში ზის.

რუსეთის თავდაცვის სამინისტრო აცხადებს, რომ სირიის დაბომბვისას დასახლებულ პუნქტებს მიზანში არასდროს იღებენ.

განცხადებაში ასევე ნათქვამია, რომ კადრებში სახლის მინები დაუზიანებელი ჩანს, რაც მოწმობს იმას, რომ გამიზნულად ბიჭის სახლი არ აუფეთქებიათ და ის შემთხვევით მოყვა ამბოხებულების წინააღმდეგ მიმართულ აფეთქებაში.

რუსეთმა სირიის ტერიტორიაზე საჰაერო დაბომბვები ე.წ. ისლამური სახელმწიფოს მებრძლების წინააღმდეგ რამდენიმე დღის წინ დაიწყო.