მმართველი პარტიის თავმჯდომარის, ბიძინა ივანიშვილის განცხადებით, არჩევნებით საქართველოს მოსახლეობა უარს იტყვის ძალადობაზე, სიცრუესა და უკულტურობაზე. მისივე თქმით, მეორე ტურის ჩატარების ალბათობა ძალიან დაბალია, მაგრამ არის.

ივანიშვილმა აღნიშნა, რომ მეორე ტურის შემთხვევაში სალომე ზურაბიშვილი უპირობოდ გაიმარჯვებს. ექსპრემიერმა არ უპასუხა კითხვას, თუ ვინ იქნება ზურაბიშვილის მთავარი კონკურენტი მეორე ტურში.

საკუთარი არჩევანი უკვე დააფიქსირეს მოქმედმა და ექს პრემიერ-მინისტრებმა და პატრიარქმა. ასევე ევროპული საქართველოს და ლეიბორისტული პარტიის საპრეზიდენტო კანდიდატებმა. ასევე მმართველი გუნდის ლიდერებმა კახა კალაძემ და ირაკლი კობახიძემ.

ცენტრალური საარჩევნო კომისიის ინფორმაციით, არჩევნები 3 703 უბანზე ტარდება. მათ შორის 55 საზღვარგარეთ, 11 კი საგამონაკლისო წესით შექმნილი უბანია.

ცესკოში ამბობენ, რომ ამომრჩეველთა საერთო რაოდენობა 3 518 877 ადამიანს შეადგენს, რომელშიც შედის საზღვარგარეთ რეგისტრირებული 14 795 მოქალაქე.