საქართველოს მართლმადიდებელი ეკლესიის პატრიარქმა, ილია მეორემ არჩევნებზე ხმა მისცა. პატრიარქმა, ტრადიციულად, მარკირება არც ამჯერად გაიარა.

ილია მეორე საარჩევნო უბანზე მესაყდრე შიოსთან ერთად მივიდა. ბიულეტენის ჩაგდების შემდეგ პატრიარქმა ურნას ჯვარი გადასახა.

2017 წელს, თვითმართველობის არჩევნების დროს, იმ საარჩევნო უბანზე, სადაც ილია მეორე ხმას აძლევდა განაცხადეს, რომ პატრიარქმა მარკირება საკუთარი სურვილით არ გაიარა. ცესკოში განაცხადეს, რომ პატრიარქის მარკირების გარეშე ხმის მიცემას დარღვევად მხოლოდ იმ შემთხვევაში განიხილავდნენ, თუ საჩივარი დაიწერებოდა.