სამეფო კარის თამაშების ვარსკვლავი, პიტერ დინკლიჯი და გრეის 50 ელფერის მსახიობი, ჯეიმი დორნანი ახალ სატელევიზიო ფილმში, My Dinner with Hervé, ერთად თამაშობენ.

პიტერ დინკლიჯმა, ერთ-ერთ ინტერვიუში თქვა, რომ დორნანს კრისტიან გრეის როლის მორგებაში ეხმარებოდა და დაკოტა ჯონსონის პერსონაჟის როლს ირგებდა.

"ჩვენი ფილმის გადაღების დროს აღმოჩნდა, რომ ჯეიმსს ამ ფილმის [გრეის 50 ელფერი] რამდენიმე სცენა თავიდან უნდა გადაეღო. ამიტომ საგრიმიორო ოთახში გავდიოდით რეპეტიციას. რამდენიმე დიალოგის გავლის დროს კი დაკოტა ჯონსონის პერსონაჟის სცენარის ნაწილს ვკითხულობდი და ვფიქრობ, შესანიშნავად გამომივიდა", - იხუმრა მსახიობმა.

ინტერვიუს დროს წამყვანმა, სტივენ კოლბერტმა სამეფო კარის თამაშებისა და გრეის ფანები ერთმანეთს შეადარა. მისი აზრით, ძირითადად ორივე პროდუქტს ადამიანები იმიტომ უყურებენ, რომ სექსზე გიჟდებიან.

დინკლიჯმა კი ახსნა ის განსხვავებები, რომლებიც GOT-ისა და გრეის 50 ელფერის ფანებს შორის არის.

"ჩემი აზრით, ეს შედარება Game of Thrones-ის ფანებს ეწყინებოდათ. GOT-ის მაყურებლები განსაკუთრებულები და საყვარლები არიან. Fifty Shades-ის ფანებს კი კონკრეტული საკითხები აწუხებთ, მე ვიყტყოდი, რომ ეს საკითხები საკუთარი თავის შეზღუდვითაა გამოწვეული", - პასუხობს დინკლიჯი.