პაატა ბურჭულაძის პარტია “სახელმწიფო ხალხისთვის”, პოლიტიკური გაერთიანება “გირჩი”, გიორგი ვაშაძის “ახალი საქართველო” და “ახალი მემარჯვენეები” პარლამენტის 2016 წლის არჩევნებში მონაწილეობას ერთად მიიღებენ. ოთხი პოლიტიკური პარტიისაგან შემდგარი ბლოკის ლიდერებმა ამის შესახებ 18 აგვისტოს განაცხადეს.

ერთ ბლოკში გაერთიანებულმა გირჩის, ვაშაძისა და მემარჯვენეების პარტიების ლიდერებმა პაატა ბურჭულაძის პოლიტიკურ მოძრაობას, სახელმწიფო ხალხისათვის, გაერთიანება 18 აგვისტოს შესთავაზეს.

ახალი პოლიტიკური ბლოკი ვაშაძე-ჯაფარიძე-ახალი არჩევანი 5 აგვისტოს შეიქმნა. აღნიშნულ ფაქტზე ზურაბ ჯაფარიძემ განაცხადა, რომ გაჩნდა პროდასავლური ხმების დაკარგვის საფრთხე, ამიტომაც გაერთიანდნენ.