შერიგებისა და სამოქალაქო თანასწორობის საკითხებში საქართველოს სახელმწიფო მინისტრის, ქეთევან ციხელაშვილის მოადგილედ განათლების მინისტრის ყოფილი მოადგილე, ლია გიგაური დაინიშნა. ამის შესახებ ინფორმაცია On.ge-ს მინისტრის აპარატის პრესსამსახურში დაუდასტურეს.

უწყების განმარტებით, გიგაური მინისტრის მოადგილის თანამდებობას დაიკავებს და სამოქალაქო თანასწორობის მიმართულებას უხელმძღვანელებს. პრესსამსახურის ინფორმაციით, მინისტრს მოადგილე მას შემდეგ არ ჰყავს, რაც ლაშა დარსალია საგარეო საქმეთა სამინისტროში გადავიდა სამუშაოდ.

ლია გიგაური საქართველოს განათლების მინისტრმა, მიხეილ ბატიაშვილმა თანამდებობაზე დანიშვნის შემდეგ რამდენიმე კვირაში გაათავისუფლა. მაშინ მინისტრმა ცვლილება სისტემური პრობლემით ახსნა.