საქართველოს აუდიტის სამსახურმა საპრეზიდენტო კანდიდატების შეწირულობების ანგარიში განაახლა და 15 ოქტომბრიდან 19 ოქტომბრამდე პერიოდი მოიცვა. გამოქვეყნებული მონაცემებიდან ირკვევა, რომ მმართველი გუნდის მიერ მხარდაჭერილ კანდიდატს, სალომე ზურაბიშვილს ისევ ურიცხავენ თანხებს ბიზნესსექტორისა და სხვადასხვა შპს-ების წარმომადგენლები.

უფრო კონკრეტულად, სალომე ზურაბიშვილს თანხები შეწირეს შემდეგი შპს-ების წარმომადგენლებმა.

  • შპს-ების, თეგეტა მოტორსისა და თეგეტა ლოჯისტიკის მეწილე და დირექტორი გიორგი მშვილდაძე, 55 000 ლარი;
  • შპს აისი დეველოპმენტის დირექტორი, პეტრე წაქაძე, 50 000 ლარი;
  • მეფრინველეობის განვითარების ასოციაციის დირექტორი, ჯუმბერ გოგიტიძე, 20 000 ლარი;
  • კოოპერატივ მარის ვენახების დირექტორი, მანანა ნადირაძე, 20 000 ლარი;
  • შპს ნატურ პროდუქტი ტობის დირექტორი, ზურაბ თევზაძე, 10 000 ლარი;
  • შპს ლეოს დირექტორი, ვაჟა ქუჩუკაშვილი, 18 000 ლარი;
  • გუდავაძე-პატარკაციშვილის ფონდის დირექტორი, ზურაბ კერვალიშვილი, 18 000 ლარი;
  • შპს ჯეოფლექსის დირექტორი, კობა ბაზაძე, 10 000 ლარი;
  • შპს ტელეკომპანია აისისა და შპს IMEDI FILMS-ის დირექტორი, დირექტორი, კობა კვანტალიანი, 15 000 ლარი;
  • კურორტ საირმეში დასაქმებულთა კავშირისა და შპს ქუთაისის ტრანსპორტის დირექტორი, სანდრო ნერგაძე, 15 000 ლარი.

ამავე თემაზე: