თბილისის საქალაქო სასამართლომ ცოლის მიმართ ძალადობისა და მუქარისათვის ბრალდებულს 10-თვიანი პატიმრობა მიუსაჯა.

საქმის მასალები ეხება ძალადობის ხუთ ეპიზოდს, ცოლსა და მის მეგობარზე ფიზიკურ შეურაცხყოფას, სიცოცხლის მოსპობასა და ჯანმრთელობის დაზიანების მუქარასა და ასევე, ძალადობის და ცემის ფაქტს. ბრალად წარდგენილ ორ ეპიზოდში ლ.გ. სასამართლომ უდანაშაულოდ ცნო.

საქალაქო სასამართლოს ცნობით, საქმის არსებითად განხილვისას ბრალდებულმა თავი არ სცნო დამნაშავედ წარდგენილ ბრალდებებში.

სასამართლო სხდომებზე გამოკვლეული მტკიცებულებებით, კერძოდ ვიდეო ჩანაწერებით, მოწმეთა და დაზარალებულთა ჩვენებებით მოსამართლემ დადასტურებულად მიიჩნია, ბრალდებულის მხრიდან საყოფაცხოვრებო ნიადაგზე დანაშაულის ჩადენა.