თუ რიკი და მორტის უყურებთ, აუცილებლად გემახსოვრებათ სერია, რომელშიც მეცნიერი რიკი მჟავე კიტრად გადაიქცევა, ოღონდ პასუხისმგებლობას აარიდოს თავი. როგორც აღმოჩნდა, ამ სცენის გახმოვანება სულაც არ ყოფილა იოლი, რადგან მისი გამხმოვანებელი უბრალოდ სიცილისგან სულს ვერ ითქვამდა ფრაზაზე: "მორტი, გადმომატრიალე, რომ თვალებში გიყუროთ".

ეს ბლუპერი (ანუ გაფუჭებული სცენა) ცხადია, სერიალში ვერ მოხვდა, მაგრამ Adult Swim-ის აზრით, მისი დაკარგვა არ შეიძლებოდა.

რიკი და მორტის პრემიერა 2013 წლის 2 დეკემბერს შედგა და სერიალმა მაშინვე მიიპყრო მაყურებლების ყურადღება. როდის დაიწყება ახალი, მეოთხე სეზონი ჯერჯერობით უცნობია, თუმცა შემქმნელების თქმით, ცდა დიდხანს არ მოგვიწევს.

სერიალს IMDB-ზე 9.3 რეიტინგი აქვს.