ვიდეოში, რომელსაც მოქალაქე ნასტია სართანია ავრცელებს, ჩანს, როგორ ჭრის კომპანია ორბი ჯგუფი ასწლოვან ნაძვის ხეს.

სართანიას თქმით, მერიას ხეების მოჭრაზე ნებართვა გაცემული აქვს და მათ ადგილზე 42 სართულიანი შენობა უნდა აშენდეს.

პარტიზანული მებაღეობის წარმომადგენელი ნატა ფერაძე ფეისბუკზე წერს, რომ ადგილზე მისულს მას საღი ხეები მოჭრილი დახვდა:

"ეკოლოგიისა და გამწვანების სამსახურის უფროსმა ნინო სულხანიშვილმა თქვა, რომ, ჩვენ ხმელი ხეების მოჭრაზე გავეცით უფლებაო, თუმცა ეს მოჭრილი უზარმაზარი ხე სრულიად საღია".

On.ge ცდილობს დაუკავშირდეს ეკოლოგიისა და გამწვანების სამსახურს. მათ კომენტარს მიღებისთანავე შემოგთავაზებთ.