საერთაშორისო გამჭვირვალობა — საქართველოს განცხადებით, საპრეზიდენტო კანდიდატების სალომე ზურაბიშვილის, გრიგოლ ვაშაძის, დავით ბაქრაძისა და კახა კუკავას სატელევიზო პოლიტიკური რეკლამები შესაძლოა, კანონდარღვევას შეიცავდეს.

TI-ს განმარტებით, კვალიფიციური საარჩევნო სუბიექტები მათთვის განკუთვნილ უფასო სარეკლამო დროს სხვა კანდიდატის სასარგებლო აგიტაციისთვის იყენებენ. ორგანიზაციის განცხადებით, აშკარაა, რომ ერთი პოლიტიკური პარტია მეორეს უსასყიდლოდ აძლევს გარკვეულ სარგებელს, რაც შემოწირულობას წარმოადგენს. ქართული კანონმდებლობით პოლიტიკურ პარტიებს აკრძალული აქვთ შემოწირულობის განხორციელება.

სალომე ზურაბიშვილის სასარგებლო აგიტაციას ეწევა:

  • #22 ოთარ მეუნარგია — მრეწველობა გადაარჩენს საქართველოს.

ფოტო: საერთაშორისო გამჭვირვალობა — საქართველო

გრიგოლ ვაშაძის სასარგებლო აგიტაციას ეწევა:

  • #1 მიხეილ ანთაძე — მოძრაობა სახელმწიფო ხალხისთვის;
  • #13 ზვიად მეხატიშვილი — საქართველოს ქრისტიან-კონსერვატიული პარტია;
  • #22 ზვიად ბაღდავაძე — სამოქალაქო პლატფორმა - ახალი საქართველო;
  • #27 ზვიად იაშვილი — ეროვნულ-დემოკრატიული პარტია (ედპ).

ფოტო: საერთაშორისო გამჭვირვალობა — საქართველო

დავით ბაქრაძის სასარგებლო აგიტაციას ეწევა:

  • #23 ირაკლი გორგაძე — მოძრაობა თავისუფალი საქართველოსთვის.

ფოტო: საერთაშორისო გამჭვირვალობა — საქართველო

კახა კუკავას სასარგებლო აგიტაციას ეწევა:

  • #18 აკაკი ასათიანი — ქართველ ტრადიციონალისტთა კავშირი;
  • #35 გელა ხუციშვილი — საქართველოს ძალოვან ვეტერანთა და პატრიოტთა პოლიტიკური მოძრაობა.

ფოტო: საერთაშორისო გამჭვირვალობა — საქართველო

ფოტო: საერთაშორისო გამჭვირვალობა — საქართველო

საერთაშორისო გამჭვირვალობა — საქართველო სახელმწიფო აუდიტის სამსახურსა და კომუნიკაციების მარეგულირებელ ეროვნულ კომისიას მიმართავს, რათა შეისწავლონ ეს საკითხი და მიიღონ შესაბამისი ზომები. ისინი, ასევე, მოუწოდებენ საარჩევნო სუბიექტებს, რომ სახელმწიფო აუდიტის სამსახურის გადაწყვეტილების მიღებამდე შეწყვიტონ მსგავსი რეკლამების განთავსება.

აუდიტის სამსახურში On.ge-ს განუცხადეს, რომ საკითხის შესწავლა დაწყებული აქვთ და კომუნიკაციების ეროვნული კომისიიდან ელოდებიან პასუხს.