2018 წლის მესამე კვარტალში ტესლამ 69 925 ავტომანქანა გაყიდა, მერსედეს-ბენცმა კი 66 542.

მერსედეს-ბენცმა 132 წლის წინ ერთ-ერთი პირველი ავტომობილი შექმნა, ტესლას კი მის გადასასწრებად მხოლოდ რვა წელი დასჭირდა.

ერთ-ერთი წყაროს მიხედვით, ტესლას მხოლოდ 1 754 ავტომანქანა დააკლდა, რომ მეორე გერმანული გიგანტის, BMW-სთვისაც გადაესწრო.

ოქტომბრის დასაწყისში ტესლაში განაცხადეს, რომ 2018 წლის მესამე კვარტალში კომპანიამ 83 500 ავტომობილი დაამზადა, რაც 2017 წელს წარმოებული ავტომობილების სრულ რაოდენობაზე 80 პროცენტით მეტია.

დამზადებული ავტომობილებიდან 55 840 Model 3 იყო, რომელიც ამჟამად ტესლას ყველაზე ბიუჯეტური მოდელია.

აღნიშნული ინფორმაცია ტესლას მხარდამჭერებისა და ილონ მასკისთვის იმედისმომცემია, ცოტა ხნის წინ ამერიკის შეერთებული შტატების ფასიანი ქაღალდების კომისიის გადაწყვეტილებით ილონ მასკს Tesla-ს დირექტორთა საბჭოს თავმჯდომარის პოსტის დატოვება მოუწია.

სექტემბრის დასაწყისში მასკმა განაცხადა, რომ აღნიშნული კვარტალი კომპანიის ისტორიაში ერთ-ერთი ყველაზე წარმატებული იქნებოდა.