სახალხო დამცველი, ნინო ლომჯარია ხელისუფლების მხრიდან არასამთავრობო ორგანიზაციების კრიტიკას გამოეხმაურა. როგორც თვითონ აღნიშნავს, ისიც სამოქალაქო სექტორიდან მოდის და იმის მტკიცება, რომ არ არიან პოლიტიკური პარტიები და მხარეები წინა და ამჟამინდელი ხელისუფლების პერიოდში თანაბრად უწევდათ.

"პლუსს ვერ დაიწერს ვერც ერთი ხელისუფლება იმით, რომ ისინი აკრიტიკებენ არასამთავრობო სექტორს, რომელსაც აქვს ძალიან მაღალი ნდობა და რეპუტაცია მათ შორის საერთაშორისო ორგანიზაციებში, საზოგადოებაშიც და ეს კითხვები, რაზეც ისინი საუბრობენ აქვს საზოგადოებასაც", — აღნიშნა ომბუდსმენმა.

ლომჯარია თქმით, კრიტიკის ნაცვლად ხელისუფლებამ ქმედითი ნაბიჯები უნდა გადადგას.

არასამთავრობო ორგანიზაციების კრიტიკა ელიტურ კორუფციასა და არაფორმალურ მმართველობაზე მათ განცხადებას მოჰყვა. პარლამენტის თავმჯდომარემ, ირაკლი კობახიძე მათ პოლიტიკურად მიკერძოებულები უწოდა. კობახიძეს მიაჩნია, რომ არასამთავრობო ორგანიზაციებს საზოგადოებასთან კავშირი არ აქვთ და მესამე სექტორი მტკიცებულებების გარეშე საუბრობს.

სამოქალაქო სექტორის დისკრედიტაცია გააგრძელა იუსტიციის მინისტრმა, თეა წულუკიანმა. მინისტრის თქმით, არასამთავრობოების სიტყვა არაფერს ნიშნავს.

ამავე თემაზე: