ჯერ მთავარი პროკურორი რომ იყო, ვინ უნდა შეეშინებინა და ახლა მთავარი პროკურორი, რომ აღარ იყო, ვის უნდა ჰქონოდა მისი შიში — ასე შეაფასა იუსტიციის მინისტრმა, თეა წულუკიანმა რუსთავი 2-ის მიერ გავრცელებული ინფორმაცია, რომ ყოფილი პროკურორი, ოთარ ფარცხალაძე სპორტის ყოფილ მინისტრს, ლევან ყიფიანს გაუპატიურებით ემუქრებოდა.

წულუკიანი თქმით, მთავარი რასაც გამოძიება არ სჭირდება ის არის, რომ 2016 წელს არცერთი ყოფილა პროკურორი და არც მეორე სპორტის მინისტრი.

"ამ ორი კაცს შორის რა ხდებოდა და როგორ ხდებოდა, სხვისი სახელი გამოიყენეს თუ — არა, რომ რაღაც მიზნისთვის მიეღწიათ, ეს ყველაფერი ჩემთვის კითხვებია, რომლებსაც პასუხი გამოძიებამ უნდა გასცეს", — განაცხადა წულუკიანმა საზოგადოებრივი მაუწყებლის ეთერში.

ტელეკომპანია რუსთავი 2-ის ინფორმაციით, ყოფილი პროკურორი ოთარ ფარცხალაძე სპორტის ყოფილ მინისტრს ლევან ყიფიანს ფიზიკურად ერთ-ერთ სარდაფში გაუსწორდა. ტელეკომპანიის მიერ გავრცელებული ინფორმაცია მოგვიანებით რუსთავი 2-თან მიცემულ ინტერვიუში ომეგა ჯგუფის დამფუძნებელმა ზაზა ოქუაშვილმაც დაადასტურა. ოქუაშვილის თქმით, ლევან ყიფიანს ამ შემთხვევის შემდეგ თავის მოკვლაც კი უნდოდა.