დღეიდან, პირველი ოქტომბრიდან პოლიეთილენის პარკების გამოყენება, იმპორტი და წარმოება იკრძალება.

დამრღვევი მეწარმე ადმინისტრაციული სამართალდარღვევათა კოდექსის შესაბამისად 500 ლარითა და შესაბამისი პროდუქტის კონფისკაციით დაჯარიმდება. განმეორების შემთხვევაში კი 1 000 ლარით, ამ შემთხვევაშიც, შესაბამისი პროდუქტის კონფისკაციით.

რეგლამენტით საქართველოს ტერიტორიაზე აიკრძალა:

  • ოქსოდეგრადირებადი პლასტიკის პარკების წარმოება, იმპორტი და რეალიზაცია;
  • პირველი ოქტომბრიდან — 15 მიკრონზე (0,015 მმ) ნაკლები სისქის პლასტიკის პარკების წარმოება/იმპორტი/ რეალიზაცია;
  • 2019 წლის პირველი აპრილიდან — ნებისმიერი სისქის პლასტიკის პარკების წარმოება, იმპორტი და რეალიზაცია.

პლასტიკის პარკზე დატანილი უნდა იყოს შემდეგი სავალდებულო ინფორმაცია:

  1. პლასტიკის პარკის მწარმოებელი;
  2. პლასტიკის პარკის სისქე;
  3. პლასტიკის პარკის შემადგენლობა.

ბიოდეგრადირებად და კომპოსტირებად პარკებზე დატანილი უნდა იყოს შემდეგი სავალდებულო ინფორმაცია:

  1. წარწერა — ბიოდეგრადირებადი და კომპოსტირებადი პარკი;
  2. ბიოდეგრადირებადი და კომპოსტირებადი პარკის მწარმოებელი;
  3. ბიოდეგრადირებადი და კომპოსტირებადი პარკის შემადგენლობა.