ცოლსა და არასრულწლოვან შვილზე ძალადობისთვის კაცს თბილისის საქალაქო სასამართლომ ორი წლითა და ექვსი თვით პატიმრობა მიუსაჯა. ინფორმაციას ამის შესახებ პროკურატურა ავრცელებს.

საგამოძიებო უწყებაში აღნიშნავენ, რომ მათ მიერ წარდგენილი მტკიცებულებები სასამართლომ სრულად გაიზიარა.

"სასამართლოში წარდგენილი მტკიცებულებებით დადასტურდა, რომ 2018 წლის 25 აპრილს და 7 მაისს ო.მ.-მ სოფელ ფონიჭალაში მეუღლის დ.გ.-ს და არასრულწლოვანი შვილის მიმართ განახორციელა ძალადობა, რა დროსაც მათ ფიზიკური შეურაცხყოფა მიაყენა", — აღნიშნულია პროკურატურის მიერ გავრცელებულ განცხადებაში.

კაცი 2018 წლის 10 მაისს თბილისში დააკავეს. მას ბრალი სისხლის სამართლის კოდექსის 1261 მუხლის (ძალადობა) პირველი ნაწილით მიმდინარეობდა.