ამერიკელმა მუსიკოსმა ლანა დელ რეიმ ჰიპ-ჰოპის შემსრულებელი კანიე ვესტი აშშ-ს პრეზიდენტის, დონალდ ტრამპის მხარდაჭერის გამო გააკრიტიკა.

ლანა 2014 წელს კიმ კარდაშიანისა და კანიე ვესტის ქორწილში იყო მიწვეული, სადაც მან Young and Beautiful შეასრულა.

კანიემ SNL-ში გაკეთებული პოლიტიკური განცხადებების შემდეგ, ინსტაგრამზე სელფი გამოაქვეყნა, რომელშიც დონალდ ტრამპის მხარდამჭერი კეპი ეხურა, წარწერით Make America Great Again [MAGA]. 2016 წლის საპრეზიდენტი არჩევნებისას, ტრამპის სლოგანი იყო "ისევ გავხადოთ ამერიკა დიდებული".

კანიემ ფოტოს აღწერაში ასევე დაწერა, რომ ამერიკა ერთიანი ხდება და ქვეყნის შიგნით, ეკონომიკური მიმართულებით, დადებითი ცვლილებები იწყება.

ლანამ კანიეს შეფასებას "კულტურული დანაკარგი" უწოდა:

"ის, რომ ამერიკის პრეზიდენტი დონალდ ტრამპი გახდა, ქვეყნისთვის წამგებიანია. ის რომ შენ მას მხარს უჭერ, წამგებიანია კულტურისთვის.

იმის თქმა შემიძლია, რომ შენ მის პიროვნულობასთან რაღაც ხარისხით ახლოს ხარ. მეგალომანური ბოდვა, ექსტრემალური პრობლემები და ნარცისიზმი — ამ ყველაფერზე არ ვისაუბრებდით, ის რომ ჩვენი ქვეყნის პრეზიდენტი არ ყოფილიყო.

თუ ფიქრობ, რომ შეიძლება იმ ადამიანის მხარდაჭერა, რომელსაც სჯერა, რომ ნორმალურია ქალს მხოლოდ იმიტო უნდა "ჩაავლო ვაგინაში", რომ ცნობილი ხარ, მაშინ შენ დახმარება ისევე გჭირდება, როგორც მას. თუმცა, ამას ძალიან ბევრი ნარცისი ვერ იღერბს, რადგან მათთვის საკმარისი დახმარების შეთავაზება წარმოუდგენელია.

შეტყობინება იგზავნება იმის მიუხედავად, რომ მას მაინც არავინ გაითვალისწინებს".

ვესტმა Saturday Night Live-ში სამი სიმღერა შეასრულა. მან ასევე თავისი სახელის ცვლილება დააანონსა და თქვა, რომ ამიერიდან მისი სახელი კანიეს ნაცვლად Ye იქნება.

შოუს დასასრულს, მან რასიზმზე და ტრამპის მხარდაჭერაზეც ისაუბრა, თუმცა მისი პოლიტიკური განცხადებების შემცველი მონაკვეთი ტელევიზიაში არ გასულა.

გავრცელებულ ვიდეოში ჩანს, რომ კანიეს უკან შოუს წევრები ჩუმად დგანან და მის განცხადებებს უკმაყოფილო ჟესტებით პასუხობენ.