მას შემდეგ, რაც სტივენ სიგალი რუსეთმა ამერიკაში მათ წარმომადგენლად დანიშნა, არც თუ ისე წარმატებულ მსახიობს მადა გაუმძაფრდა და რუსეთის ფედერაციის ერთ-ერთ ოლქში გუბერნატორობა მოინდომა.

ვლადივოსტოკის საერთაშორისო კინოფესტივალის ფარგლებში მაყურებლებთან შეხვედრისას, კითხვაზე, აპირებს თუ არა ის აქტიურად ჩერთოს პოლიტიკაში და ზოგადად, სურს თუ არა მას გუბერნატორობა, მსახიობმა თქვა, რომ სიამოვნებით იქნებოდა პრიმორიეს მხარის გუბერნატორი.

"ძალიან მინდა შევისწავლო ეს ოლქი, უფრო მეტი ვნახო და მეტიც, თქვენი გუბერნატორი გავხდე" , - თქვა სიგალმა.

შეგახსენებთ, რომ 2016 წლის ნოემბერში რუსეთის პრეზიდენტმა ვლადიმერ პუტინმა მსახიობ სტივენ სიგალს კრემლში უმასპინძლა და რუსეთის მოქალაქეობის დამადასტურებელი პასპორტი გადასცა. სწორედ ამის გამო სიგალს უკრაინაში შესვლა აეკრძალა.