მსახიობ სტივენ სიგალს უკრაინაში შესვლა ხუთი წლით აეკრძალა. ქვეყნის უსაფრთხოების სამსახურმა ეს გადაწყვეტილება, მას შემდეგ მიიღო, რაც ვლადიმერ პუტინმა სიგალს რუსეთის მოქალაქის პასპორტი გადასცა.

მსახიობმა ჯერ კიდევ გასულ სექტემბერში განაცხადა, რომ მას რუსეთის ფედერაციის მოქალაქეობა სურს.

"მსურს წელიწადში რამდენიმე თვე რუსეთში, ჩემს მეგობრებთან ერთად გავატარო. ადამიანებთან, ვისაც ვუყვარვარ და მელოდებიან", - ამბობდა სიგალი.

როგორც ცნობილია, მსახიობი რუსეთში საკუთარი ბიზნესის დაწყებასაც აპირებს.

ვლადიმერ პუტინის განკარგულებით 2013 წლის იანვარში რუსეთის მოქალაქეობა კიდევ ერთმა მსახიობმა, ჟერარ დეპარდიემ მიიღო.