გრინვეი საქართველო — კომპანია, რომელიც ქართულ ბაზარზე განსაკუთრებული მისიით შემოდის. მისი პარტნიორი მსოფლიოს ლიდერი ტექდათვალიერების სფეროში, კომპანია Applus +, მსოფლიოს 70 ქვეყანაში ოპერირებს და მის სახელს უკავშირდება იმ საერთაშორისო სტანდარტების დამკვიდრება, რაც უსაფრთხო და სანდო ტექდათვალიერების ცენტრების აუცილებელი პირობაა. გრინვეი საქართველო სწორედ ამ სტანდარტებს ნერგავს საქართველოში და ტექდათვალიერების რეფორმის ფარგლებში ქმნის მსოფლიო გამოცდილებაზე დამყარებულ ტექინსპექტირების ცენტრებს მთელი საქართველოს მასშტაბით.

კომპანიის უმთავრესი მიზანია შექმნას თანამედროვე სტანდარტებით მომზადებული სამუშაო გუნდი, დანერგოს უახლესი ტექნოლოგიები და თანმიმდევრულად განავითაროს კომპანიის მთავარი სტრატეგიული გეგმა — გახადოს გარემო უფრო ჯანსაღი და უსაფრთხო.

გრინვეი საქართველომ პარტნიორული ურთიერთობა დაამყარა მსოფლიოში წამყვან, ავტოტექინსპექტირების აღჭურვილობის მწარმოებელ კომპანიასთან Actia, რაც კომპანიას საშუალებას აძლევს ტექდათვალიერების პროცესი, ტექნოლოგიური კუთხით, პასუხობდეს ყველა თანამედროვე საერთაშორისო სტანდარტს — იყოს სწრაფი, სანდო და უსაფრთხო. კომპანია მისი წარმატების აუცილებელ პირობად ძლიერ, საკითხის მცოდნე გუნდს მიიჩნევს. ესპანეთში, Applus+ ცენტრალურ ოფისში უკვე გადამზადდა კომპანიის ტექნიკური გუნდი. კომპანიაში დასაქმებული ადამიანების პროფესიულ განვითარებას და ზრდას სისტემატიური ხასიათი ექნება.

ამ ეტაპზე კომპანიის მოსამზადებელი სამუშაოები აქტიურ ფაზაშია. წლის ბოლოსთვის, ტენდერით განსაზღვრულ ვადებში, საქართველოს სხვადასხვა რეგიონში 26 სადგური სრულ მზადყოფნაში იქნება. პარალელურად მიმდინარეობს ახალი სამუშაო ადგილების შექმნა და გრინვეი საქართველოს გუნდის წევრების მოძიება მთელი საქართველოს მასშტაბით. კომპანა
სთავაზობს ყველა დაინტერესებულ ადამიანს ამ პროცესში მონაწილეობის მიღებას.

დეტალური ინფორმაცია იხილეთ აქ.