სად უნდა იპოვოთ Nike-ის, Adidas-ის, Reebok-ის, Puma-ს, Adidas-ის, New Balance-ის და სხვა სპორტული ბრენდების უახლესი კოლექციები? ინტერნეტის გარდა, მათი შეძენა უკვე სავაჭრო ცენტრ გალერია თბილისშიც შეგიძლიათ. AW LAB, რომელიც მულტიბრენდული სპორტული მაღაზიაა, სავაჭრო ცენტრის მესამე სართულზე გაიხსნა და უკვე მასპინძლობს ურბანული სტილის მოყვარულებს.

AW LAB 1997 წელს შეიქმნა სახელმწოდებით Athletes World და ამჟამად 200-ზე მეტი მაღაზიითაა წარმოდგენილი ევროპასა და აზიაში. მათი უმრავლესობა იტალიისა და ესპანეთის ქალაქებშია თავმოყრილი. ბრენდი ბატას ჯგუფის ნაწილია, რომელიც უკვე 5000 მაღაზიას აერთიანებს.

AW LAB-ში თიბისის განვადებაც ხელმისაწვდომია, თუ ფეხსაცმელი ერთი ნახვით შეგიყვარდათ და შეძენის გადაწყვეტილებაც სპონტანურად მიიღეთ.

ბრენდის მთავარი კონცეფცია "ტრენდების ლაბორატორიაა", რომელიც სპორტული ტანსაცმლის მოყვარულებს საშუალებას აძლევს, თანამედროვე მოდას არ ჩამორჩნენ და ამავე დროს, კომფორტულად ეცვათ.

AW LAB სულ მალე ქსელის გაფართოებასაც გეგმავს. მეორე მაღაზია თბილისი მოლში გაიხსნება, მომავალი წლისთვის კი კიდევ ორი მაღაზიის გახსნა იგეგმება.

ბრენდის ოფიციალური წარმომადგენელი საქართველოში ICR TRADE-ია, რომელიც ფეხსაცმლის, ტანსაცმლის, აქსესუარების, ავეჯის საერთაშორისო ბრენდებსა და კვების ობიექტებს აერთიანებს. ICR-ს საცალო ბიზნესის სფეროში 25-წლიანი გამოცდილება აქვს და დღესდღეობით მსოფლიოს 20-მდე საერთაშორისო ბრენდთან თანამშრომლობს.