ეროვნული სატყეო სააგენტოს ინფორმაციით, იმერეთის სატყეო სამსახურის თანამშრომლებმა, ხარაგაულში, ხე-ტყის უკანონო მოპოვებისა და ტრანსპორტირების ფაქტი გამოავლინეს.

უწყების განცხადებით, სამართალდამრღვევმა სახელმწიფო ტყის ფონდის ტერიტორიიდან, 8 კუბურ მეტრამდე წიფელას სახეობის საშეშე მერქანი უკანონოდ მოიპოვა. მათი თქმით, სატვირთო ავტომობილი ადგილზე დაილუქა.

უწყებაში ამბობენ, რომ მიმდინარეობს გარემოზე მიყენებული ზიანის დადგენა. მასალები შემდგომი რეაგირებისთვის გადაეგზავნება რაიონულ სასამართლოს.