კანაფის კონტროლის შესახებ კანონპროექტის მიხედვით, რომელიც პარლამენტში უკვე დარეგისტრირდა, სოფლის მეურნეობის სამინისტროს ბაზაზე კანაფის კონტროლის სააგენტო შეიქმნება.

სააგენტო პასუხისმგებელი იქნება კანაფთან დაკავშირებული საქმიანობის სახელმწიფო კონტროლზე, გასცემს ლიცენზიებს და გააკონტროლებს სალიცენზიო პირობების დაცვის საკითხს. სააგენტო ასევე იმუშავებს სამართალდარღვევების პრევენციაზე, მათ გამოვლენასა და რეაგირებაზე.

კანონროექტში აღნიშნულია, რომ სააგენტო ასევე ვალდებული იქნება აწარმოოს საინფორმაციო კამპანია "ნარკომანიის გავრცელების თავიდან აცილების მიზნით" და დაგეგმოს პრევენციული ღონისძიებები.

კანონპოექტში ვკითხულობთ, რომ სააგენტო მოამზადებს დოკუმენტს, რომლის მთავარი თემაც საქართველოში ნარკომანიის გავრცელებაში მცენარე კანაფის/მარიხუანის გავლენა იქნება.

გაიგე მეტი: სუნის გაფრქვევის აკრძალვა და ექსპორტი დაცვასთან ერთად - რა წერია კანაფის კონტროლის კანონში