თბილისის ტრანსპორტის კომპანიის ინფორმაციით, ჩარგლის ქუჩაზე მიმდინარე საგზაო სამუშაოების გამო რამდენიმე ავტობუსი განსხვავებული მარშრუტით ივლის.

#17, #60, #94, #95 ავტობუსები გურამიშვილიდან შემდეგი მარშრუტით იმოძრავებენ: ალ. ბარამიძის ქუჩა - გამყრელიძს ქუჩა - ურეკის ქუჩა - ანაპის დივიზიის ქუჩა - შემდეგ კი კვლავ ძველი მარშრუტით გააგრძელებენ მოძრაობას.

ავტობუსები უკანა მიმართულებით კვლავ ამ ქუჩებს გაივლიან. ჩარგლის ქუჩაზე სარეაბილიტაციო სამუშაოები თბილისის მერიის კეთილმოწყობის საქალაქო სამსახური აწარმოებს.

გზის აღდგენის შემდეგ ავტობუსები ისევ ძველ მარშრუტს დაუბრუნდებიან.