თბილისის მერმა, კახა კალაძემ დღეს, 13 სექტემბრის თბილისის მთავრობის სხდომაზე ე.წ. სტაიანშიკების საქმიანობის მოწესრიგების განკარგულება გასცა. კალაძის თქმით, არავის აქვს უფლება კონკრეტულმა პირმა შეუზღუდოს ვინმეს პარკირება:

"ე.წ. სტაიანშიკებს თუ ფულს არ გადაუხდიან, მძღოლებს არ აძლევენ პარკირების საშუალებას, ესეც კატეგორიულად მიუღებელია. დროული რეაგირება მოახდინეთ ამასთან დაკავშირებით".

კახა კალაძემ ზედამხედველობის სამსახურს დაავალა კერძო პირების მიერ დამონტაჟებული საპარკინგე ადგილები აიღონ:

"ხშირია შემთხვევები, როდესაც კომერციული სივრცეების მეპატრონეებსა და ე.წ. სტაიანშიკებს, საპარკინგე ადგილები მიზანმიმართულად აქვთ ჩაკეტილი, რომელიც მუნიციპალურია... მყისიერი რეაგირება მოახდინეთ და თუ მოსაშლელია, მოშალეთ სპეციალური მონიშვნები, რაც კატეგორიულად მიუღებელია. იმოქმედეთ კანონის ფარგლებში, რადგან ეს ჩვეულებრივი სამართალდარღვევაა".