საზოგადოებრივი მაუწყებელიდან თანამშრომლების გათავისუფლების პროცესი მედიაციის მექანიზმის დასრულებამდე შეჩერდა. გადაწყვეტილება სამეურვეო საბჭოს სხდომაზე მიიღეს. სხდომას არხის გენერალური დირექტორი და მაუწყებლის პროფკავშირების ხელმძღვანელი ესწრებოდნენ.

საქართველოს საზოგადოებრივი მაუწყებლის პროფკავშირების თავმჯდომარის, ნინო ზაუტაშვილის თქმით, გადაწყდა, რომ შემუშავდება ახალი შრომითი დოკუმენტი, რომელს საფუძველზეც მოხდება თანამშრომლების დათხოვნა.

"შემიძლია ვთქვა, რომ ხმაურიანი შეხვედრაც სამმხრივი. ეს იყო სამეურვეო საბჭო, ეს იყო მენეჯმენტი და პროფკავშირის წარმომადგენლები. მივედით იმ დასკვნამდე, რომ რადგან ჩვენ უკვე გამოვითხოვეთ შრომისა და ჯანმრთელობის დაცვის სამინისტროდან მედიატორის ჩართვა, რაც უკვე სახელმწიფოს ჩართვას გულისხმობს პროცესების დარეგულირებაში. ამ წუთას შეჩერებულია თანამშრომლების დათხოვნის პროცესი, სანამ მედიაცია არ დასრულდება და სანამ არ შევჯერდებით საერთო სისტემაზე, რომ ჩამოვაყალიბოთ შრომის პოლიტიკის დოკუმენტი", - განაცხადა ზაუტაშვილმა.

საზოგადოებრივი მაუწყებლის მენეჯმენტმა მისვლიდან 20 თვის შემდეგ სამაუწყებლო სეზონის "ეფექტიანად წარსამართად" რამდენიმე ათეული თანამშრომლი არჩევანის ზღვარზე დააყენა: წავიდნენ სამსახურიდან ორთვიანი კომპესაციით, ან "საჭიროების შემთხვევაში" გამოძახებას დაელოდონ. თანამშრომლები ფიქრობენ, რომ ეს ნაბიჯი მათ გასათავისუფლებლად დაიგეგმა.

საზოგადოებრივი მაუწყებლის პროფკავშირები ამბობენ, რომ იმ თანამშრომლების რაოდენობა, რომლებსაც შეთავაზება მიუვიდათ, 150-ს აღწევს, მენეჯმენტის თქმით კი ეს რიცხვი 70-მდეა.

ამავე თემაზე: