პარლამენტთან მიმდინარე აქციისას ზაზა სარალიძე შეუძლოდ გახდა. ადგილზე ელოდებიან სასწრაფო სამედიცინო დახმარებას. ზაზა სარალიძე და მალხაზ მაჩალიკაშვილი მეორე დღეა შიმშილობენ.

სარალიძეს ცხრა საათზე სპეციალური განცხადება უნდა გაევრცელებინა. აქციაზე, წვიმის გამო აქციის მონაწილეები კარვის გაშლას ცდილობდნენ. ადგილზე მყოფმა სამართალდამცავებმა მათ კარვის გაშლის უფლება არ მისცეს, რასაც აქციის მონაწილეებსა და პოლიციას შორის დაპირისპირება მოყვა.

დაპირისპირებისას სარალიძემ სამართალდამცავებს მოკლული შვილის, დათო სარალიძის ფოტო აჩვენა და მოუწოდა გაეთელათ ის ფეხქვეშ. სარალიძის თქმით, მათი საქციელი სწორედ ამას ნიშნავდა.

ფოტო: კადრი ვიდეოდან / On.ge

სამართალდამცავებმა გზა გადაკეტეს. გზაზე გადასვლის მცდელობის დროს სარალიძე შეუძლოდ გახდა.

ფოტო: გვანცა ნემსაძე / On.ge