გუგლმა დაადასტურა, რომ Pixel-ის გულშემატკივრებისთვის დიდ სიურპრიზს ამზადებს. კომპანიის თქმით, 9 ოქტომბერს ნიუ-იორკში დაგეგმილ ღონისძიებაზე, Pixel 3-სა და Pixel 3 XL-ს წარადგენს. ამ მოდელებთან დაკავშირებით დამატებითი ინფორმაცია ჯერჯერობით არ არის ხელმისაწვდომი, თუმცა კულისებს მიღმა არაერთი ჭორი დადის.

გავრცელებული ინფორმაციით, Pixel-ის ახალ მოდელებს ეკრანის ღრმა ჭრილი ექნება, ეკრანის გაფართოება კი 2160x1080 იქნება. მისი ზომა 5.5 ინჩს უდრის, რაც სანტიმეტრებში 13 სმ-ის ტოლია. ტელეფონი Qi უსადენო დამუხტვის ფუნქციით იქნება აღჭურვილი, მისი კორპუსის დიზაინი კი მთლიანად შუშას მოიცავს.

ამასთან, რამდენიმე თვის განმავლობაში ვრცელდებოდა ინფორმაცია, რომ გუგლი საკუთარ Smarwatch-ს გამოუშვებდა, თუმცა როგორც ჩანს, ეს მხოლოდ ჭორებია. სავარაუდოდ, ტექნოლოგიური გიგანტი ჭკვიანი საათების წარმოებას არ აპირებს.

ნიუ-იორკში დაგეგმილ ღონისძიებაზე მოსაწვევების გაგზავნა უკვე დაწყებულია. გუგლის ღონისძიებამდე, 12 სექტემბერს, Apple თავის ახალ iPhone-ს წარადგენს.

ამავე თემაზე: