ბრაზილიაში პრეზიდენტობის ულტრამემარჯვენე კანდიდატი ჟაირ ბოლსონარი მოქალაქეებთან შეხვედრის დრო მუცელში ცივი იარაღით დაჭრეს. ადგილობრივი გამოცემების ინფორმაციით, ის საავადმყოფოში ძლიერი შინაგანი სისხლდენით გადაიყვანეს. შემთხვევა 6 სექტემბერს მოხდა.

ბოლსონარუს მდგომარეობას ექიმები სტაბილურად აფასებენ. პრეზიდენტობის კანდიდატი ინტენსიურ განყოფილებაშია გადაყვანილი, სადაც, დაახლოებით, ერთ კვირას გაატარებს.

ექიმების თქმით, მათ წვრილ ნაწლავში სამი ჭრილობა, ხოლო ერთი ჭრილობა მსხვილ ნაწლავში გაკერეს. ოპერაცია ორ საათზე მეტხანს გრძელდება. მათივე თქმით, კანდიდატს საარჩევნო კამპანიის გაგრძელება შეეძლება.

პოლიციამ თავდასხმაში ბრალდებული უკვე დააკავა. ის პრეზიდენტობის კანდიდატს მისი მოსაზრებების გამო სოციალურ ქსელში ხშირად აკრიტიკებდა.

ჟაურ ბოლსონარუ ყოფილი სამხედროა. თავის გამოსვლებში ის ბრაზილიის 1964-1985 წლის სამხედრო დიქტატურას ამართლებდა. ასევე, ბოლსონარუს ბრალს სდებენ რასიზმში, ჰომოფობიასა და ქალთმოძულეობაში. 2016 წელს სასამართლომ ის დააჯარიმა, რადგან გამოსვლისას ქალ დეპუტატს უთხრა, რომ "არ გააპატიურებდა მას, რადგან ის ამას არ იმსახურებდა".