გაიცანით ჰოლივუდის მომდევნო წლის ერთ-ერთი ყველაზე განხილვადი მსახიობი - დეიმონ ჰერიმანი. მართალია, მაყურებელი მას რამდენიმე სერიალიდან უკვე იცნობს, თუმცა 2019 წელი ნამდვილად მისი წელი იქნება.

ჰერიმანი ერთდროულად ორ დიდ პროექტში იღებს მონაწილეობას. ერთია კვენტინ ტარანტინოს ახალ ფილმი ერთხელ ჰოლივუდში, ხოლო მეორე დევიდ ფინჩერისა და ნეტფლიქსის ერთობლივი შოუ Mindhunter-ის მეორე სეზონი.

ამ ეტაპზე ნეტფლიქსის სერიალის ახალ სეზონზე ცნობილი ბევრი არაფერია, თუმცა ვიცით, რომ მსახიობი შოუში სერიული მკვლელის ჩარლზ მენსონის როლს მოირგებს.

ზუსტად ანალოგიურ როლს შეასრულებს ჰერიმანი ტარანტინოს ფილმშიც, რომლის ინსპირაციაც სწორედ კრიმინალური სექტის ლიდერი გახდა.