მთავრობის გადაწყვეტილებით, დევნილთა და განსახლების სამინისტრომ სოფელ ხურჩაში, საოკუპაციო ხაზის გამშვებ პუნქტთან მოკლულ გიგა ოთხოზორიას 7-სულიან ოჯახს ზუგდიდის ცენტრში სახლი შეუძინა.

დევნილთა და განსახლების მინისტრი სოზარ სუბარი და სამეგრელო-ზემო სვანეთის გუბერნატორი ლევან შონია ოთხოზორიების ოჯახს ესტუმრნენ და საცხოვრებელი სახლის საკუთრების დამადასტურებელი მოწმობა გადასცეს.

ფოტო: დევნილთა სამინისტრო MRA

გიგა ოთხოზორიას ოჯახმა, კერძო სახლი საკუთარი სურვილის მიხედვით შეარჩია. ახალი სახლში გადასვლისთვის საჭირო ტრანსპორტირების ხარჯები ზუგდიდის მუნიციპალიტეტის გამგეობამ დაფარა.

ოთხოზორიებისთვის ბინის შესყიდვა 3 აგვისტოს მთავრობის სხდომაზე გადაწყდა, "სოფლად სახლის" პროექტის ფარგლებში ბინის შეძენა დევნილთა და განსახლების სამინსიტროს დაევალა.

ზუგდიდის რაიონის სოფელ ხურჩაში, საოკუპაციო ხაზის მიმდებარედ, გალის რაიონის სოფელ ბარღების მკვიდრი გიგა ოთხოზორია აფხაზმა მესაზღვრემ 19 მაისს მოკლა.