Sword Art Online ახალი თაობის მასობრივი ონლაინ თამაში იქნება, რომელიც მთლიანად ვირტუალური რეალობის ტექნოლოგიაზე იქნება აწყობილი.

თამაშის შინაარსი ცნობილ ანიმე სერიალზეა დაფუძნებული. დეველოპერები ვირტუალური რეალობის ტექნოლოგიის ყველა შესაძლებლობის გამოყენებას აპირებენ, რათა გეიმერებს ინოვაციური თამაში შესთავაზონ. მათი თქმით, ეს არ იქნება ე.წ. თემატური პარკის ტიპის თამაში, რომელშიც მხოლოდ სეირნობა და დათვალიერებაა შესაძლებელი, Sword Art Online კლასიკური მასობრივი ონლაინ თამაში იქნება.

სპეციალური მოწყობილობის საშუალებით მოთამაშე სკანირდება, მისი სხეულის 3D მოდელის იქმნება და თამაშში იტვირთება.

ამჟამად მიმდინარეობს ალფა ტესტერების შერჩევა. პროექტის ფარგლებში 208 მოთამაშე თამაშის პირველ ვერსიას ტოკიოში, ამა წლის 18-20 მარტს გატესტავს. ტესტერების შერჩევა 4 მარტამდე მიმდინარეობს და მსურველებს რეგისტრაციის გავლა ონლაინ შეუძლიათ.

თამაში IBM-ის სპონსორობით იქმნება, მათივე ქლაუდ ტექნოლგიის SoftLayer-ის საშუალებით.