არიზონას შტატში ყოფილი KFC-ის რესტორანში, საიდუმლო გვირაბი აღმოაჩინეს, რომელიც მექსიკამდე, სახლის საძინებლამდე მიდის. როგორც BBC წერს, გვირაბის სიგრძე 180 მეტრი იყო და მას ნარკოტიკების გადასატანად იყენებდნენ.

აშშ-ს ხელისუფლებამ გასულ კვირას შენობის მფლობელი, ივანე ლოპესი დააკავა. მის მანქანაში 1 მილიონზე მეტი ღირებულების ქუჩის ნარკოტიკის ორი კონტეინერი იპოვეს, რის გამოც მისი სახლისა და რესტორნის ჩხრეკა გადაწყდა.

ჩხრეკისას პოლიციელებმა რესტორნის სამზარეულოში კარი იპოვეს, რომლითაც გვირაბში შევიდნენ. პოლიციელები ვარაუდობენ, რომ ნარკოტიკები გვირაბში თოკის მეშვეობით გადაჰქონდათ.

ფოტო: HOMELAND SECURITY INVESTIGATIONS/YUMA SECTOR BP

ფოტო: HOMELAND SECURITY INVESTIGATIONS/YUMA SECTOR BP

გამომძიებლები ასევე აღნიშნავენ, რომ ეს არ არის პირველი შემთხვევა, როდესაც აღმოაჩინეს ნარკოტიკების გვირაბები. მათი თქმით, ორი წლის წინ მსგავსი შემთხვევა კალიფორნიაშიც მოხდა.