გორში, სოფელ კარალეთთან მომხდარ ავარიას ორი ადამიანის სიცოცხლე ემსხვერპლა. ამის შესახებ On.ge-ს შინაგან საქმეთა სამინისტროში განუცხადეს.

უწყების ცნობით, ერთი პირი შემთხვევის შედეგად, ადგილზე დაიღუპა, მეორე კი საავადმყოფოში. შსს-ს ინფორმაციითვე, დაშავებულია კიდევ ერთი პირი.

გამოძიება საქართველოს სისხლის სამართლის კოდექსის 276-ე მუხლის მე-5-ე ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.