რაჭაში ავტოავარიის შედეგად მანქანის მძღოლი და ორი მგზავრი დაიღუპა, კიდევ სამი მგზავრი დაშავდა. როგორც შინაგან საქმეთა სამინისტროში On.ge-ს უთხრეს, მანქანა შეეჯახა განათების ბოძსა და ბორდიურს. შემთხვევა ამბროლაურიდან ჭრებალოში მიმავალ გზაზე, სოფელ სადმელთან მოხდა.

გამოძიება მიმდინარეობს სისხლის სამართლის კოდექსის 276-ე მუხლის მეხუთე ნაწილით, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ადამიანის სიცოცხლის მოსპობა.