შინაგან საქმეთა სამინისტროს ინფორმაციით, არასრულწლოვნის თვითმკვლელობამდე მიყვანაში ბრალდებულს ბრალი დაუმძიმდა. ახლა გამოძიება ბრალდებულს არასრულწლოვნის მიმართ გარყვნილ ქმედებასაც ედავება.

გამოძიების ინფორმაციით, ბრალდებულმა გარდაცვლილი ფეისბუქმიმოწერის მშობლებისთვის ჩვენების მუქარით ინტიმური ფოტოებისა და ვიდეომასალის გადაღებასა და გაგზავნაზე დაითანხმა.

"მას შემდეგ, რაც გარდაცვლილმა გადაღებული ფოტოები და ვიდეომასალა გადაუგზავნა, ბრალდებულმა გოგოს დაშანტაჟება დაიწყო, რის გამოც ამ უკანასკნელმა თავისი საცხოვრებელი სახლის ეზოში თავი ჩამოიხრჩო", - აღნიშნულია შსს-ს განცხადებაში.

უწყების ინფორმაციით, დაკავებული დანაშაულს აღიარებს.

საქმეზე გამოძიება სისხლის სამართლის კოდექსის ორი მუხლით მიმდინარეობს:

  • 115-ე — თვითმკვლელობამდე მიყვანა;
  • 141-ე მუხლის პირველი ნაწილი — გარყვნილი ქმედება.

ბრალის დამტკიცების შემთხვევაში, დაკავებულს ხუთიდან შვიდ წლამდე პატიმრობა ემუქრება.