მას შემდეგ, რაც არეტა ფრანკლინის ოჯახმა თქვა, რომ სოულის დედოფალი "სიკვდილის პირას" იყო, მისმა ნათესავმა განაცხადა, რომ მომღერალი სრულ გონებაზეა, თავს კარგად გრძნობს და სახლშ მკურნალობას აგრძელებს:

"ის გონებაზეა, იცინის, ყველას გვცნობს. ოჯახი მასთანაა და ის სახლშია", - თქვა მისმა ძმის შვილმა ტიმ ფრანკლინმა.

მან დასძინა, რომ ოჯახი ნერვიულობდა, რომ არეტა გაიგებდა რას ამბობდნენ მის ჯანმრთელობაზე მედიაში:

"მე ის ერთი კვირის წინ ვნახე და 45 წუთის განმავლობაში ვესაუბრე. შაბათს ის ჩემმა ძმამ ნახა. არეტა ლაპარაკობდა, ხუმრობდა, იცინოდა და სრულ გონებაზე იყო. ის ტელევიზორის უყურებს და ღმერთმა არ ქნას, რომ ის ამბები ნახოს, სადაც მის სასიკვდილო მდგომარეობაზე საუბრობენ. არ მინდა მისი შემართება ამით განადგურდეს".

ტიმის სიტყვებით, ოჯახისთვის არეტას განწყობის ამაღლება ახლა პრიორიტეტულია:

"ჩვენ გვჯერა, რომ ის ამ სიტუაციას გადალახავს. ამის მასაც სჯერა და ახლა მნიშვნელოვანი ესაა".

დაუდასტურებელი ინფორმაციით, სოულის ლეგენდა სიმსივნეს ებრძვის.