თბილისის საქალაქო სასამართლოს მოსამართლემ, ნინო ჭელიძემ პარტია გირჩის საპრეზიდენტო კანდიდატს, ზურაბ ჯაფარიძეს, 12 მაისს კლუბ ბასიანის მხარდამჭერ აქციაზე დაკავების საქმეზე მხოლოდ სიტყვეირი შენიშვნა მისცა. ამის შესახებ გადაწყვეტილება სასამართლომ დღეს, 8 აგვისტოს გამოაცხადა.

ბასიანის აქციაზე დაკავების საქმეზე შინაგან საქმეთა სამინისტრო ზურაბ ჯაფარიძეს პოლიციისთვის დაუმორჩილებლობასა და შეურაცხყოფის მიყენებას ედავებოდა. სასამართლო სხდომაზე ზურა ჯაფარიძის ადვოკატი ამბობდა, რომ გამონათქვამი, რომლის გამოც მისი დაცვის ქვეშ მყოფია დაკავებული გამოხატვის თავისუფლების სტანდარტში ჯდება. მისი განმარტებით, ჯაფარიძე ჟურნალისტებთან საუბრის დროს სწორედ ამ მიზეზით დააკავეს.

იმავე მოსამართლემ 3 მაისის ინციდენტის საქმეზე ჯაფარიძე 2 000 ლარით დააჯარიმა. მის თანაგუნდელებს, ვახო მეგრელიშვილსა და იაგო ხვიჩიას კი 10-10-დღიანი პატიმრობა მიუსაჯა.

12 აგვისტოს ზურაბ ჯაფარიძე პოლიციამ იმ დროს აიყვანა, როდესაც ტვ პირველის პირდაპირ ეთერში ჟურნალისტს ესაუბრებოდა.