ჰოლივუდის უცხოური პრესის ასოციაციამ ტრადიციად ქცეული ბანკეტის წლევანდელი მონაწილეები წარადგინა.

წვეულების წამყვანი სერიალ უსირცხვილოს ვარსკვლავი, უილიამ მეისი იქნება, წარმდგენთა შორის კი მოგვევლინებიან - შარლიზ ტერონი, კრისტიან სლეიტერი, ჯენიფერ გარნერი, ჯიელ კინგი, რემი მალეკი, ჯონ ჩო, სტივ კარელი და სხვები.

ჰოლივუდის უცხოური პრესის ასოციაციის ეს წვეულება, როგორც წესი, წლის ყველაზე დიდი საქველმოქმედო ღონისძიებაა, რომელიც მიზნად ისახავს თანხების მოძიებას სხვადასხვა გაცვლითი პროგრამებისა და ჰუმანიტარული მისიებისთვის.

აღსანიშნავია, რომ სწორედ ამ წვეულებაზე შემოსული თანხით ჰოლივუდის უცხოური პრესის ასოციაციას საშუალება ექნება დააფინანსოს 60-ზე მეტი არასამთავრობო ორგანიზაცია, რომელიც კინო და ტელესამყაროში სხვადასხვა მიმართულებებით მუშაობს.

წლევანდელი წვეულება ლოს-ანჯელესში, სასტუმრო ბევერლი ჰილტონში 9 აგვისტოს ჩატარდება.