თელავში შუახნის კაცი დაჭრეს. როგორც შინაგან საქმეთა სამინისტროს პრესსამსახურმა On.ge-ს განუცხადა, კაცს ზურგის არეში ერთი ჭრილობა ცივი იარაღით აქვს მიყენებული და მის სიცოცხლეს საფრთხე არ ემუქრება

უწყების ცნობით, კონფლიქტი შუახნის მამაკაცებს შორის ყოფით პირობებზე მოხდა. არსებული ინფორმაციით, ბრალდებული დაჭრილის ძმაა.

საქმეზე გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს. შსს-ს განცხადებით, საქმე, ფაქტობრივად, გახსნილია, ბრალდებულის ვინაობა დადგენილია და ამჟამად სამძებრო სამუშაოები მიმდინარეობს.