შინაგან საქმეთა სამინისტროს ცნობით, ბოლო შვიდი თვის განმავლობაში ნარკორეალიზაცის ბრალდებით 98 პირი დააკავეს.

შსს-ს ინფორმაციით, ამავე პერიოდში სხვადასხვა დროს ჩატარებული ღონისძიებების შედეგად ამოღებულია შემდეგი ნივთიერებები: 15 კილოგრამამდე „ჰეროინი", 7191 აბი „სუბუტექსი" და „სუბოქსინი", 1 კილო და 400 გრამი „კოკაინი", 2 კილოგრამამდე „მდმა", 1 კილოგრამი და 200 გრამი "ჰაშიში", 1 კილოგრამამდე ახალი ფსიქოაქტიური ნივთიერება და ასევე, 1 კილოგრამამდე ფსიქოტროპული პრეპარატები.

ამასთანავე, შინაგან საქმეთა სამინისტროს ბრიფინგზე ორგანიზებულ დანაშაულთან ბრძოლის სამმართველოს უფროსმა, მამუკა ჭელიძემ განაცხადა, რომ თბილისსა და კახეთში ფსიქოაქტიური ნივთიერების უკანონო შეძენის, შენახვისა და გასაღების ბრალდებით 5 პირი დააკავეს.

ჭელიძის განცხადებით, აღნიშნული პირები თბილისსა და ბათუმში სხვადასხვა ადგილას ფარულად ალაგებდნენ აღნიშნულ ნივთიერებას, რის შესახებაც ინფორმაციას ინტერნეტში ათავსებდნენ. ნარკოტიკის შეძენის მსურველები შესაბამის თანხის ჩარიცხვის შემდეგ ნივთიერების ადგილმდებარეობაზე ინფორმაციას იღებდნენ.

შსს-ს ინფორმაციით, ამოღებულია სარეალიზაციოდ გამზდებული 134, პირადი და სახლების ჩხრეკის შედეგად კი 196 შეკვრა ნივთიერება, სავარაუდოდ, "ვარდისფერი ამფეტამინი". გამოძიება საქართველოს სისხლის სამართლის კოდექსის 260-ე მუხლითაა დაწყებული, რაც 7-დან 14 წლამდე თავისუფლების აღკვეთას ითვალიწინებს.

განსაკუთრებით დიდი ოდენობით ნარკოტიკული საშუალების არაერთგზის უკანონო შეძენის, შენახვისა და გასაღების ბრალდებით შსს-მ ერთი პირი დააკავა. უწყების ვერსიით, მათ ბრალდებული მაშინ დააკავეს, როცა წითელი ხიდის გავლი საქართველოს ტერიტორიის დაკავებას ცდილობდა. დანაშაულის დამტკიცების შემთხვევაში 1989 წელს დაბადებულ პირს 8-დან 20 წლამდე ან უვადო თავისუფლების აღკვეთა ემუქრება.

წითელი ხიდის მიმდებარე ტერიტორიაზევე განსაკუთრებით დიდი ოდენობის ნარკოტიკული საშუალების შეძენა-შენახვის ბრალდებით შსს-მ ირანის ორი მოქალაქე დააკავა. უწყების ინფორმაციით, მას 13 შეკვრად დაფასოებული 700 გრამი ჰეროინი ამოუღეს. გამოძიება სისხლის სამართლის კოდექსის 260-ე მუხლით მიმდინარეობს.