შინაგან საქმეთა სამინისტრომ განზრახ მკვლელობის მცდელობის ბრალდებით ერთი პირი დააკავა. უწყების ცნობით, ბრალდებულმა 22 ივლისს ვარკეთილში საცხოვრებელი სახლის სადარბაზოში ცივი იარაღით მრავლობითი ჭრილობა მიაყენა 1998 წელს დაბადებულ პირს, შემდეგ კი ადგილიდან მიიმალა.

როგორც შინაგან საქმეთა სამინისტროს განცხადებაში წერია, სამართალდამცველებმა ბრალდებული დღეს, 24 ივლისს ახალციხეში დააკავეს.

გამოძიება საქმეზე განზრახ მკვლელობის მცდელობისთვის, საქართველოს სისხლის სამართლის კოდექსის 19-109-ე მუხლით მიმდინარეობს. აღნიშნული მუხლით გათვალისწინებული დანაშაული 7-დან 15 წლამდე ვადით თავისუფლების აღკვეთას ითვალისწინებს.