"თქვენ უყვარხართ ხალხს და თქვენი სჯერა ხალხს!" - ასე მიმართა საქართველოს მართლმადიდებელი ეკლესიის კათოლიკოს-პატრიარქმა, ილია მეორემ პრემიერმინისტრ გიორგი კვირიკაშვილს. პრემიერის პრესსამსახურის ცნობით, ილია მეორემ თავისი ანგელოზის დღესთან დაკავშირებით სიონის ტაძარში გამართულ სადღესასწაულო ლიტურგიაზე მყოფი საქართველოს პრემიერმინისტრი და მთავრობის წევრები დალოცა:

"თქვენო აღმატებულებავ ბატონო პრემიერმინისტრო, ბატონო მინისტრებო, მე მადლობელი ვარ, რომ მობრძანდით და ილოცეთ ჩვენთან ერთად. წმინდა ილია წინასწარმეტყველი, ძლიერი წმინდანია თვით სახელში ორჯერ არის ნახსენები ორჯერ არის ნახსენები ღმერთი ილიახ ელ ელოღიმ და იახბერ - უფალი ჩვენი ღმერთი. თქვენ უყვარხართ ხალხს და თქვენი სჯერა ხალხს დალოცვილი იყავით და გაიხარეთ. ღმერთმა დალოცოს სრულიად საქართველო. ამინ!"

ეროვნულ დემოკრატიული ინსტიტუტის (NDI) მიერ წინასაარჩევნო პერიოდში მოსახლეობის განწყობების შესასწავლად ჩატარებული კვლევის მიხედვით, გადაწყვეტილი ამომრჩევლის 35 პროცენტი აცხადებს, რომ შემდეგ საპარლამენტო არჩევნებზე მათ პოლიტიკურ გადაწყვეტილებაზე მნიშვნელოვან გავლენას მოახდენს მრევლისა და მღვდლის პოლიტიკური შეხედულებები. NDI-ის კვლევა 29 ივლისს გამოქვეყნდა.