სერბულ ტელევიზიასთან ინტერვიუში ნოვაკ ჯოკოვიჩმა აღნიშნა, რომ მიუხედავად უიმბლდონზე მისი დამარცხებისა, მსოფლიოს საუკეთესო ჩოგბურთელი რაფაელ ნადალია.

"დამარცხებასთან ძალიან ახლოს ვიყავი. იგი მსოფლიოში საუკეთესოა და დამსახურებულადაა პირველი ჩოგანი. ბოლო თხუთმეტი თვის განმავლობაში ვფიქრობდი, რომ ძველ ფორმას ვეღარ დავუბრუნდებოდი, თუმცა ნადალთან გამარჯვებამ საკუთარი თავის ნდობა დამიბრუნა", - განაცხადა ჯოკოვიჩმა.

სერბ ჩოგბურთელს არც ხორვატიის საფეხბურთო ნაკრების წარმატება გამორჩენია.

"მინდა ასევე მივულოცო ლუკა მოდრიჩსა და ხორვატიის ნაკრებს. ლამაზი სანახავია, როცა ჩვენი რეგიონის ასეთი პატარა ქვეყანა ამხელა საფეხბურთო წარმატებას აღწევს. [...] უკვე ცხადი გახდა, რომ ამ რეგიონში ძალიან ნიჭიერი სპორტსმენები იზრდებიან".