თბილისში, ფონიჭალის დასახლებაში შინაგან საქმეთა სამინისტრომ ნარკოტიკული საშუალებების უკანონო შეძენის, შენახვისა და გასაღების ბრალდებით 7 პირი დააკავეს.

შსს-ს ცნობით, დაკავებულების საცხოვრებელი ბინების ჩხრეკისას, სამართალდამცველებმა 18 შეკვრა ნარკოტიკული საშუალება ჰეროინი, 2 პისტოლეტი და სანადირო თოფი ამოიღეს.

შსს-ში აღნიშნავენ, რომ ჩხრეკისას სხვადასხვა ნარკოტიკულ საშუალებებთან ერთად ასევე 10 010 ლარი, 26 200 აშშ დოლარი და 65 000 რუსული რუბლი არის ამოღებული.

გამოძიება საქართველოს სისხლის სამართლის კოდექსის 260-ე მუხლის მე-4 ნაწილით, მე-5 ნაწილის "ბ" და მე-6 ნაწილის "ა" ქვეპუნქტებით მიმდინარეობს. ეს მუხლი გულისხმობს ჯგუფის მიერ, განსაკუთრებით დიდი ოდენობით ნარკოტიკული საშუალების უკანონო შეძენა-შენახვა-გასაღებას, რომელიც ისჯება თავისუფლების აღკვეთას 8-დან 20 წლამდე ან უვადო თავისუფლების აღკვეთას.