2003 წელს მარსი დედამიწას 56 000 000 კმ-ით მოუახლოვდა. ეს მომენტი 60 000 წლის განმავლობაში პირველი იყო, როდესაც მარსს და დედამიწას ერთმანეთისგან მხოლოდ 56 მილიონი კილომეტრი აშორებდათ. ივლისში კი, მარსი თითქმის იმავე მანძილზე იქნება დედამიწიდან დაშორებული, როგორც 2003 წელს იყო.

მიუხედავად იმისა, რომ ქალაქებში სინათლის დაბინძურება სხვადასხვა ციური ობიექტების დაფიქსირებაში ხელს გვიშლის, თქვენ შეიძლება უკვე შეამჩნიეთ ცაზე მოელვარე მოწითალო პლანეტა. მარსი მზის ჩასვლისას ცაზე აღმოსავლეთიდან ამოდის და ის ყველაზე კარგად დაახლოებით შუა ღამისას ჩანს.

ის მაქსიმალურად 27-30 ივლისს მოგვიახლოვდება შემდეგ კი ნელ-ნელა კვლავ დაგვშორდება. საინტერესო ისაა, რომ ამ მოვლენას მთვარის სრული დაბნელებაც დაემთხვევა. როგორც ჩანს, 2018 წლის ივლისი მოყვარული თუ პროფესიონალი ასტრონომებისთვის საკმაოდ საინტერესო იქნება.

მარსის დანახვას შეუიარაღებელი თვალითაც შეძლებთ, თუმცა ბინოკლით ან სამოყვარულო ტელესკოპით სანახაობა ერთიორად უფრო შთამბეჭდავი იქნება.