წლის ყველაზე გახმაურებული წიგნის, ჰარი პოტერი და დაწყევლილი ბავშვის პრეზენტაცია 31 ივლისს, ლონდონში შედგა. რის შემდეგაც წიგნმა უამრავი გამოხმაურება და შეფასება მიიღო, როგორც კრიტიკოსების ასევე ფანების მხრიდან.

ვინაიდან ქართველი მკითხველი წიგნს შედარებით გვიან გაეცნობა, გთავაზობთ რამდენიმე ამონარიდს, რომელიც მაშაბლის ბლოგერმა სემ ჰეისომმა გაავრცელა. მართალია შეძლებისდაგვარად სპოილერებისგან გაფილტრულია, მაგრამ მათ ვინც სპოილერებს გმობს, ვურჩევთ სტატიას თავი აარიდოს.

ამონარიდებით თუ ვიმსჯელებთ წიგნი სავსეა ემოციური მომენტებით, როგორც როულინგს ჩვევია უამრავი პრობლემით და სიყვარულით. გარდა ამისა ავტორმა იზრუნა იმაზე, რომ ძველი პერსონაჟების მნიშვნელოვანი როლი ამ წიგნშიც გამოკვეთილიყო.

სავსებით მოულოდნელად ახალ წიგნში დრაკო მალფოის პერსონაჟის გულახდილობას და "გაადამიანურებას" აღმოვაჩენთ.

1. დრაკო მალფიო მიმართავს ჰარის, რონს და ჰემრიონს:

"თქვენ სამნი ბრწყინვალე იყავით, ერთმანეთი გიყვარდათ, ბედნიერად ატარებდით დროს. მე მშურდა თქვენი, რადგან თქვენი მეგობრობა გაცილებით უფრო მნიშვნელოვანი იყო, ვიდრე სხვა ყველაფერი".

2. დრაკო მალფოი ჰარის:

"მარტოობა ისეთი რთულია. მე მარტო ვიყავი და საკუთრი თავი სიბნელემდე მივიყვანე. ძალიან დიდი ხანი ტომ რიდლიც მარტო იყო. თქვენ ამის გაგება არ შეგიძლიათ ჰარი, მაგრამ მე შემიძლია".

3. დრაკო მალფოი ჰარის:

"ძალიან რთულია იყო დრაკო მალფოი, მე ყოველთვის მარტო ვიქნები. ჩემში ყოველთვის შეიტანენ ეჭვს. არანაირი შანსი არ მაქვს წარსულს გავექცე".

4. დრაკოს პასუხი ჰარის კითხვაზე რა სურდა ყველაზე მეტად ბავშვობაში:

"ქვიდიჩის თამაში. მაგრამ მე კარგი მოთამაშე არ ვიყავი. თუმცა, ყველაზე მეტად მინდოდა ბედნიერი ვყოფილიყავი".

ვნახავთ იმასაც, რომ ჰარი დღემდე ვერ გათავისუფლდა პასუხისმგებლობის გრძნობისგან და მიუხედავად იმისა, რომ ყველა დროის ყველაზე ბოროტი ჯადოქარი დაამარცხა, თავს მაინც დამნაშავედ გრძნობს.

5. ჰარი პოტერი ჯინის:

"ბიჭი, რომელიც გადარჩა? რამდენი ადამიანი უნდა დაიღუპოს ბიჭისთვის, რომელიც გადარჩა?"

6. ჰარი ჯინის:

"მე არ უნდა გადავრჩენილიყავი - ეს იყო ჩემი ბედი, მე უნდა მოვმკვდარიყავი, დამბლდორიც კი ასე ფიქრობდა. მაგრამ მე გადავრჩი, დავამარცხე ვოლდემორი და ამდენი ადამიანი დაიღუპა ჩემ გამო - ჩემი მშობლები, ფრედი, ჰოგვარტსის ომის დროს დაცემული ორმოცდაათი ადამიანი და მე ცოცხალი ვარ. ჩემი ბრალია."

როგორ ჩანს მამის წარსული მძიმედ აისახა ალბუსზეც.

7) ალბუს პოტერი მიმართავს სტუდენტებს, რომლებიც მას დასცინიან:

"მე არ ამირჩევია, მე არ გამიკეთებია არჩევანი რომ მისი შვილი ვყოფილიყავი".

8) ალბუს პოტერი:

"მე ვიცი რას ნიშნავს იყო სათადარიგო".

და რაც მთავარია, ჯოანმა იზრუნა იმაზე, რომ ამ წიგნშიც არ დაეკარგა ალბუს დამბლდორის უდიდესი როლი და გულისამაჩუყებელი რჩევები სიყვარულზე.

9) ალბუს დამბლდორი ჰარის:

"ჰარი, ამ ბინძურ ემოციურ სამყაროში იდეალური პასუხი არ არსებობს. სრულყოფილება კაცობრიობისთვის მიუწვდომელია, ისევე როგორც მიუწვდომელია მაგიისთვის. ბედნიერების ყოველ ბრწყინვალე მომენტში არის შხამის წვეთები, ეს არის ცოდნა იმისა, რომ ტკივილი ისევ მოვა. იყავით გულახდილი მათთან, ვინც გიყვართ, აჩვენეთ თქვენი ტკივილი. ტკივილი ადამიანისთვის ისეთივე ბუნებრივია, როგორც სუნთქვა".

10) ალბუს დამბლდორი ჰარის:

"მეკითხებით როგორ დავიცვათ პატარა ბიჭი საშინელი საფრთხისგან? ეს შეუძლებელია. ჩვენ ვერ დავიცავთ ყველას, ტკივილი მაინც მოვა".

11) ალბუს დამბლდორი ჰარის:

"რა თქმა უნდა მიყვარხარ. მე ვიცოდი, რომ ტკივილს მოგაყენებდი, ყოველთვის როცა მე ვინმე მიყვარს მას გამოუსწორებელ ტკივილს ვაყენებ. არასდროს მყვარებია ისე, რომ ადამიანისთვის ზიანი არ მიმეყენებინა":

12)ალბუს დამბლდორი ჰარის:

"ის რაც ჩვენ გვიყვარს არასდროს იკარგება, ჰარი. სიკვდილი ვერასდროს შეეხება ტკივილს, მოგონებას და სიყვარულს"

და ბოლოს მიუხედავად უამრავი პერსონაჟის გარდაცვალებისა, ახალი წიგნის ფურცლებზე, პოტერჰედების ყველაზე დიდი დანაკარგი, სევერუს სნეიპიც "ცოცხლდება".

13) სევერუს სნეიპი სკორპიუსს (დრაკო მალფოის შვილს)

"უთხარი ალბუსს, უთხარი ალბუსს სევერუსს, რომ მე ამაყი ვარ იმით, რომ ის ჩემს სახელს ატარებს".

ამჯერად სულ ეს იყო, ისტორიის სრულად გასაგებად დაველოდოთ ბაკურ სულაკაურის გამომცემლობას, რომელიც წიგნის თარგმანს უახლოეს მომავალში შემოგვთავაზებს. მანამ კი ყველას კითხვას: "after all this time?" ტრადიციულად ვუპასუხოთ "Always".