მთავარი პროკურატურა საკონსტიტუციო სასამართლოს მოსამართლეებზე ზეწოლის ფაქტთან დაკავშირებით გამოძების შუალედურ შედეგებს აქვეყნებს. მათი განცხადებით, ამ ეტაპზე გამოკითხული ყველა მოსამართლე უარყოფს მათ მიმართ ვინმეს მხრიდან რაიმე სახის ზეწოლის ან სამართალწარმოების განხორციელებაზე ზეგავლენის მიზნით სასამართლოს საქმიანობაში ამა თუ იმ ფორმით ჩარევას. საგამოძიებო უწყება აცხადებს რომ გამოკითხულია ყველა მოსამართლე თავმჯდომარე გიორგი პაპუაშვილის გარდა:

"სისხლის სამართლის საქმეზე გრძელდება გამოძიება მოსამართლეების მიერ ჩვენებებში დაფიქსირებულ გამოძიებისთვის საინტერესო გარემოებების გადამოწმების მიზნით, რომლებზეც გამოძიების ინტერესებიდან გამომდინარე ამ ეტაპზე ვერ ვისაუბრებთ, თუმცა როგორც აღინიშნა, გამოძიების შედეგების შესახებ ინფორმაცია პერიოდულად ეცნობება საზოგადოებას".