თავდაცვის ყოფილმა მინისტრმა, თინა ხიდაშელმა და შერიგების საკითხებში ყოფილმა სახელმწიფო მინისტრმა, პაატა ზაქარეიშვილმა თანამდებობები ოფიციალურად დღეიდან დატოვეს. თიხა ხიდაშელი სამინისტროში მივიდა, სადაც მედიისთვის დახურული, სპეციალური თათბირი გაიმართა და ის თავის თანამშრომლებს გამოემშვიდობა.

ხიდაშელის მოვალეობის შემსრულებელი მისი უკვე ყოფილი მოადგილე, დავით ებრალიძე გახდა, პაატა ზაქარეიშვილი კი დროებით ქეთევან ციხელაშვილმა ჩაანაცვლა.

ენერგეტიკის მინისტრმა, კახა კალაძემ განაცხადა, რომ გიორგი კვირიკაშვილმა უახლოეს მომავალში წარადგენს იმ პირებს, რომლებიც ზემოაღნიშნული მინისტრების პოსტებს დაიკავებენ.

მიუხედავად იმისა, რომ ოფიციალურად ეს არ დასტურდება, მედიაში ვრცელდება ინფორმაცია, რომ პრემიერი პაატა ზაქარეიშვილისა და თინა ხიდაშელის შემცვლელებს დღესვე დაასახელებს.