დღეს, 11 ივნისს მთავრობის სხდომამდე გამართულ ბრიფინგზე, პრემიერმა მამუკა ბახტაძემ გია ჟორჟოლიანის ინიციატივას უპასუხა, გარკვეული კატეგორიის გადასახადების გაზრდის შესახებ:

"ჩვენ წარვადგინეთ ჩვენი ხედვა პარლამენტში, სადაც ინიციატივების დიდი ნაწილი გულისხმობს გადასახადების შემცირებას. ეს არის ჩვენი ხედვა".

ქართული ოცნების დეპუტატ გია ჟორჟოლიანის ინიციატივით, 2 500 ლარის ზემოთ არსებული სახელფასო შემოსავალი 30 პროცენტით უნდა დაიბეგროს. მან On.ge-სთან საუბარში განმარტა, რომ მეტი საშემოსავლოს გადახდა საქართველოს მოსახლეობის მხოლოდ 9 პროცენტს მოუწევს, რადგან მხოლოდ მათი შემოსავალი აღემატება 2 500 ლარს.